На тэрыторыі вобласці з'явіцца 63 станцыі абезжалезвання вады

Згодна абласной праграме да 2025 года кожны жыхар Мінскай вобласці будзе забяспечаны якаснай пітной вадой, паведамляе МЛЫН.ВУ.

h2o.jpg

Так, паводле інфармацыі генеральнага дырэктара ДА «ЖКГ Мінскай вобласці» Васіля Шашка, на сённяшні дзень паказчык забяспечанасці якаснай вадой дасягае 93%. Да таго ж у 2019 годзе ў эксплуатацыю было ўведзена 34 станцыі абезжалезвання. Плюс мясцовыя ўлады і прадпрыемствы за кошт сваіх сродкаў пабудавалі яшчэ 21.

У бягучым годзе плануецца пабудаваць 63 станцыі. Але, каб закрыць пытанне аб якаснай пітной вадзе раней 2025 года да гэтай колькасці плануюць дадаць яшчэ 10-15.