У індустрыяльным парку «Вялікі камень» зарэгістраваны новы рэзідэнт

20 сакавіка ў якасці новага рэзідэнта Кітайска-Беларускага індустрыяльнага парку "Вялікі камень", які размешчаны ў Смалявіцкім раёне, зарэгістравана кампанія карпарацыі "Сінамач" (КНР) з праектам па стварэнні зоны навукова-тэхнічнага супрацоўніцтва і інавацыйных распрацовак, паведамляе прэс-служба парку.

23-03-2020-3.jpg

Так, у рамках праекта ў 2020-2021 гадах прадугледжана будаўніцтва комплексу адміністрацыйных будынкаў для ажыццяўлення навуковых даследаванняў і дапаможнай інфраструктуры.

На першым этапе плануецца рэалізаваць 4 навукова-даследчых праекта, якія будуць звязаны з распрацоўкамі аптычных прыбораў, аўтамабільных датчыкаў, паўправадніковых прыбораў і новых матэрыялаў. Пры гэтым увод у эксплуатацыю запланаваны ў 2022 годзе. У планах прадугледжана і рэалізацыя другога этапа праекта.