Музеи Минской области примут участие во втором национальном форуме «Музеі Беларусі»
Музеи Минской области примут участие во втором национальном форуме «Музеі Беларусі»

Экспазіцыя музеяў, якая будзе працаваць на форуме, прадставіць лепшыя праекты па розных кірунках музейнай дзейнасці: навукова-даследчай, выставачнай, культурна-адукацыйнай.

Музейныя праекты падзелены на два вялікіх раздзелы, кожны з якіх мае свой дэвіз: “Дзве вайны – адна памяць” і “Музейныя вандроўкі ў прасторы і часе”.

У першы раздзел, прысвечаны ваеннай тэматыцы, звязанай з юбілейнымі датамі – 100-годдзем пачатку Першай сусветнай вайны і 70-годдзем вызвалення Беларусі ад нямецка-фашысцкіх захопнікаў, уваходзяць:

навукова-даследчыя праекты “У гады Першай сусветнай вайны. 1914-1918 гг.” Вілейскага краязнаўчага музея і “Ад навуковага даследвання да музейнага праекта “У трагедыі і памяці ўсе роўныя” Мінскага абласнога краязнаўчага музея;

выставачны праект “Хлеб нашых бацькоў” Жодзінскага краязнаўчага музея, які расказвае аб хлебе партызанскім, блакадным хлебе Ленінграда, хлебе салдацкага франтавога пайка, хлебе ваеннапалонных;

праект “Когда музы не молчали...” Чэрвеньскага раённага краязнаўчага музея, які прысвечаны малюнкам мастака Л.Бойкі, зробленым ў партызанскім атрадзе “Разгром”;

праект “Ніколі ў жыцці не забыць” Дзяржаўнага мемарыяльнага комплекса “Хатынь”, які стаў святыняй нацыянальнай памяці беларускага народа.

У другім раздзеле экспазіцыі прадстаўлены наступныя культурна-адукацыйныя, выставачныя і экспазіцыйныя праекты:

“Праменад у кірмашовы дзень” Барысаўскага аб’яднанага музея;

“Вяртанне слуцкага пояса” Слуцкага краязнаўчага музея;

“Музей-кватэра М.К.Сеўрука” Нясвіжскага гісторыка-краязнаўчага музея;

“Музей для друзей” Любанскага музея народнай славы;

“Заслаўе. ХХ ст. Падзеі і людзі” Дзяржаўнага гісторыка-культурнага музея-запаведніка “Заслаўе”;

“Музей і нематэрыяльная спадчына” Капыльскага раённага краязнаўчага музея.

У дэманстрацыйнай праграме форума прымае ўдзел Барысаўскі аб’яднаны музей з прэзентацыяй музейна-адукацыйнай праграмы “Праменад у кірмашовы дзень”, якая распрацавана і рэалізуецца сумесна з удзельнікамі event-супольнасці “Барысаўская мыза”.

Дзевяць дзяржаўных музеяў Мінскай вобласці ўдзельнічаюць у конкурсе “Музеі Беларусі – трэцяму тысячагоддзю”, які праводзіцца ў рамках форуму па намінацыях: “Лепшае музейнае выданне”, “Лепшы музей па арганізацыі культурна-адукацыйнай дзейнасці”, “Лепшая арганізацыя выстаўкі з уласных фондаў”, “Лепшае навуковае праектаванне экспазіцыі”.

Галерея изображений