ВЫБОРЫ 2018: На выбарчым участку – Ганаровы грамадзянін Слуцкага раёна

Среда, 14 февраля 2018 16:35  |  Источник  Газета "Слуцкі край"

 У аўторак 13 лютага пачалося датэрміновае галасаванне на выбарах у мясцовыя Саветы дэпутатаў Рэспублікі Беларусь дваццаць восьмага склікання. Карэспандэнт «Слуцкага краю» наведала ўчастак для галасавання №54 у вёсцы Мусічы. 

Ганаровы грамадзянін Слуцкага раёна, жывёлавод філіяла «Падсобная сельская гаспадарка» адкрытага акцыянернага таварыства «Слуцкі мясакамбінат» Галіна Аляксандраўна Касымакунава  ў ліку тых, хто 14 лютага прыйшоў на ўчастак для датэрміновага галасавання.
– Мяне хвалюе будучыня нашага раёна і краіны, – адзначае Галіна Аляксандраўна. – Лічу абавязковым прыняць удзел у галасаванні на выбарах у мясцовыя Саветы дэпутатаў. У дзень выбараў не змагу прыйсці на ўчастак па сямейных абставінах, таму вырашыла датэрмінова аддаць свой голас за самага годнага, на мой погляд, кандыдата.
 
У Галіны Аляксандраўны многаму можна павучыцца: як трэба любіць зямлю-карміцельку, родную старонку, працавітасці, адказнасці. Рукі гэтай жанчыны не ведаюць стомы. Больш за 50 гадоў працуе яна ў сельскай гаспадарцы, дасягае высокіх вынікаў. 
 
За шматгадовую добрасумленную працу Галіну Аляксандраўну неаднаразова адзначалі рознымі ўзнагародамі: ордэнам «Знак Пашаны», ордэнам Працоўнага Чырвонага Сцяга, бронзавым медалём ВДНГ «За поспехі ў народнай гаспадарцы СССР», медалём Мацярынства другой ступені. Яна мае званне «Лепшы жывёлавод», узнагароджана шматлікімі ганаровымі граматамі.
 
У 2016 годзе Галіне Аляксандраўне Касымакунавай прысвоена званне Ганаровага грамадзяніна Слуцкага раёна. За руплівую, сумленную, самаадданую працу!

Подробнее

Прочитано 303 раз

Прямая речь

Исаченко Анатолий Михайлович

Председатель Минского областного исполнительного комитета

«…Главное богатство наше – люди!…»

29.09.2018
г. Мядель, Дожинки - 2018