Новыя трэнажоры для рэабілітацыі і аздараўлення з'явіліся ў зале ЛФК паліклінікі ў Вілейцы
Новыя трэнажоры для рэабілітацыі і аздараўлення з'явіліся ў зале ЛФК паліклінікі ў Вілейцы

На аснашчэнне залы ЛФК з раённага бюджэту выдзелілі 6 тысяч рублёў. Зала, як і раней, будзе працаваць для рэабілітацыі пацыентаў. Таксама разглядаецца варыянт аздараўлення медработнікаў.

photo_2022-01-06_13-40-30.jpg

Нагадаем, абноўленая зала ЛФК у вілейскай паліклініцы пачала працаваць у красавіку 2020 года. Залу для заняткаў лячэбнай фізкультурай адчынілі на першым паверсе паліклінікі. У першую чаргу - для даступнасці: адсутнасць безбар'ернага асяроддзя ў папярэднім памяшканні дастаўляла пацыентам з хваробамі нязручнасці.

Зала ЛФК адкрыта для ўсіх пацыентаў Вілейскага раёна, каму паказаны лячэбныя заняткі ў зале.

У зале з'явіліся тры новыя трэнажоры і спортінвентар. Галоўны ўрач Вілейскай ЦРБ удакладніла, што на новае абсталяванне выдзелены сродкі з раённага бюджэту. Гэта 6 тысяч рублёў.

— Старшыня райвыканкама наведваў залу і ўдакладняў, чаго не хапае. У канцы года было дадатковае фінансаванне, мы папрасілі трэнажоры і спартыўны інвентар: мячы, паўсферы, кілімкі, - распавяла галоўны ўрач.

Праца трэнажораў накіравана на трэніроўку розных груп цягліц, а таксама ўзнаўленні цягліцавай сілы.